自稱上圍由Ccup升咗Dcup嘅平山綾，前日喺東京新宿為佢本全新寫真集《AYA水》舉行簽名會，佢對現場fans透露自己失戀嘅經歷話：「自己喺關島拍呢本寫真嗰陣，曾經對一個二十三歲叫Shane嘅滑浪手一見鍾情，點知對方原來有老婆重有仔，惟有放棄。」已經二十歲嘅平山綾，重話自己雖然𠵱家冇拍拖，但希望三年後結婚。