郭富城昨日出席泳衣發布會時透露今年的慈善大計，今年會着力於河南興建以其名字命名的小學，幫助當地有需要兒童。而李依琳示範泳衣時，其激凸身材更成為全場焦點。
郭富城、李依琳和鄧肇欣昨日在海運大廈出席「SpeedoFastskinFSII」泳衣發布會。身材突出的扒王之王太子女李依琳示範三點式泳衣時，因凸點而成為全場焦點，反而鄧肇欣所穿的泳衣比較保守，風頭即時被對方比下去。
而城城透露有關公司除了捐款給其國際慈善基金外，亦送了亞洲第一件鯊魚泳衣給他，城城笑說：「我一定會返屋企試着呢件泳衣，因為我覺得好型，同埋想試吓着咗之後係唔係會游得快啲。」
城城又表示今年會着力在河南興建其撥款的第一間小學，且會命名為「郭富城希望小學」，他說：「我希望喺自己能力之內，就盡量去幫有需要嘅人，如果我睇到啲小朋友可以學到最新同必須嘅知識，我會覺得好開心，總之我只係想激發多啲人去做有意義嘅事。」
談到早前遠赴約旦拍攝汽水廣告，城城大呻辛苦說：「每一日嘅車程都要幾個鐘，而且拍到好夜先收得工，但我覺得膳食都OK。」
對於有周刊指洩露廣告的拍攝地點給傳媒的最大嫌疑者是城城及其經理人小美，城城否認說：「人哋點寫我唔會理，我都冇乜感覺，咁我當然係冇咁做啦，可能佢哋咁寫係想吸引讀者。」
而小美亦激動地表示日內會發律師信，她說：「我出發前都簽咗守密協議，所以今次我發信係要捍衞自己嘅誠信。城城都同我講笑話如果今次真係由我放料，我就放得好失敗，因為佢連一個頭條都冇。」
採訪：李珮洳
攝影：何國豪
