由皇冠車行創立、並旨在為八千多位凌志車主，提供一系列專有資訊及消閒活動嘅凌志會，於日前特別舉行咗凌志好友慈善高爾夫球日，讓一眾會員能與友好聚首、切磋球技外，更可參加一連串緊張刺激嘅遊戲，從而令大家能擁有難忘嘅一天；而喺球賽中摘冠嘅隊員除獲頒獎座外，更獲贈家庭影音組合等名貴獎品。
不過更值得一提嘅係，呢次活動所籌募得來嘅善款，已全數撥捐培才教育基金；培才教育基金並將多次由凌志車主及皇冠車行嘅捐款，擇址於屬中國第二貧窮省分貴州，興建一所設備完善嘅學校予當地兒童，而呢所興建中嘅學校，預計會喺今年六月竣工，課室及校舍足可容納八十名學童。
記者：鄭達基
