究竟拆唔拆紅灣半島，定係將佢封做「八萬五血淚博物館」，重係未知之數，但若然真係拆，拆完啲垃圾可能足足有二十萬公噸咁重，要四千部雙層巴士至載得走，二千幾萬先至可以處理呢堆垃圾。環保組織「地球之友」建議，自由行旅客嚟香港應該去嗰度觀賞吓，並將嗰度列為「景點」之一，噚日馬頭涌官立小學同地球之友就去過，成為第一批觀賞團。
班小學生話，紅灣半島起咗六年，興建期間塵埃滿天飛，佢哋間學校啱啱喺隔籬，搞到佢哋成日打乞嗤，佢哋噚日去咗抗議，反對起完又拆。另一個環保組織「綠色和平」噚日都有去立法會抗議，佢哋重做咗個調查，結果有八成三人都話拆咗紅灣半島係浪費，七成幾人話政府喺呢事件上面失晒職咁話。
傳真︰2623-9278
電郵︰