精明消費：受感應自動開蓋冚蓋<br>高科技垃圾桶乾手淨腳精明消費：受感應自動開蓋冚蓋
高科技垃圾桶乾手淨腳
垃圾桶萬變不離其宗，通常只有外形及圖案上的分別，喺大家幻想兼期待住一個美國太空總署研製的自動分解廢料垃圾桶誕生嘅同時，一個唔算太高科技但又非常方便好用的垃圾桶正好止癢。講緊嘅係新式感應垃圾桶，行到佢面前就會自動打開，唔使整污糟雙手。亦有多款傳統垃圾桶畀大家睇睇，鍾意邊款自行決定啦！
記者：張銘恩 攝影：蔡鴻雯
模特兒：Karen（RichStrategy）
自動感應啱高科技家庭
暫時市面上最新式的垃圾桶，設有感應器於垃圾桶頂，只要有物件於前方輕輕掠過便會自動打開，數秒後會自動關閉，亦可特別調校為長時間開啟。而且以乾電操作（四粒大電），夠晒方便，一般來說以平均每天開關20次來計算，電池可維持約半年時間。
廚房用大容量款式
講到廚房垃圾桶，至緊要就係質料實淨夠耐用，未必需要下下力求特別花款，以下就有多個實用款式畀大家選擇，不妨慢慢揀番個。
罕有圓邊三角形狀，塑膠物料，另外有內膽可拆出方便清洗，中國製造，難得備有紫、綠及藍三個較為鮮豔的顏色以供選擇，可以揀個襯埋屋企嘅裝修。
淺灰色配流線外形，好襯又大方得體，外殼為塑膠物料，有內膽可另外拆出清洗，中國製造。
特大Size適合大家庭使用，香港設計中國製造，頂部為黑色塑膠而桶身就用了金屬物料，雖沒內膽設計，但備有膠條邊方便固定垃圾袋。
向高空發展以達至較為慳地方的效果，分有上下兩格可自行將垃圾分類。頂層為腳踏式開關，而底層則要手拉式開啟，而且旁邊有掛鈎可掛雜物。
日本ASVEL兩格款，左邊容量25L，右邊容量20L，各設獨立腳踏使用方便，兩側亦備有掛鈎可掛雜物，現正減價非常抵買。
分類垃圾桶呢個最有型，磁石開關一㩒垃圾蓋就會彈開，重幫你將紙張、塑膠及金屬罐分門別類，另有紅×白色選擇。
Brabantia銀灰色全金屬腳踏式垃圾桶，比利時生產，可謂達到製造垃圾桶之最高境界，因為品牌聲稱會提供十年保用，連內膽都係金屬製造，可用十年確非奇事。
跳出灰白框框的粉橙色金屬款，腳踏為金屬製加倍耐用，另有內膽可拆出，而後方則有手抽鈎方便搬運。
驚喜！今期HelloKitty玩認真，推出呢個絕不兒戲的金屬腳踏式垃圾桶，而且亦另有內膽可拆出清洗，非常實用，Kitty迷考慮得過。
外形極之型仔，上油不銹鋼配埋上闊下窄的放射式設計甚富現代感，而且腳踏比一般垃圾桶較大，雖沒有另設內膽，但備有膠條邊固定垃圾袋。
想擁有最具代表性的HelloKitty款，粉紅色點走得甩，長形Kitty塑膠垃圾桶，沒有內膽但有膠條邊固定垃圾袋，重幾抵買㖭。
千秋蓋款垃圾桶，金屬桶身畫上一幅可愛小蜜蜂田園畫，夠晒特別，容量咁大而又玩花款都頗少有，Cutie部屋屋主不容錯過。
輕巧款廳房適用
垃圾分類擺放更合衞生，而一般放於客廳及睡房的垃圾只會供棄置乾身垃圾，亦是人稱的「字紙籮」，Size細細不過款式變化多，雖唔入得廚房但就絕對出得廳堂。
意大利製Tontarelli垃圾桶，桶蓋猶如一隻貓爪，而塑膠殼上則壓有格仔暗紋，質料不俗，有內膽可拆出清洗。
金屬腳踏款，全銀色外殼非常Cyber，幾襯IT型人家居，Size細細亦有內膽可另外拆出清洗，夠周全。
長形手提式「字紙籮」，綑滿麻繩然後頂部包有皮邊，非常有原始味道，不過內層為布料，清洗比較麻煩。
原本只是普通圓頂米奇垃圾桶一個，但只要一㩒開關掣，米奇兩隻大耳朵就會打開，十分過癮，而且桶身由金屬製造，幾耐用。
其實只是仿皮物料，不過像真度都幾高，看落特別清簡舒服，而特大垃圾桶口對於眼界唔多準的朋友，應該特別啱使。
售賣點
(a)H2O 28341661
(b)住好啲 28905555
(c)Colourliving 22956881
(d)崇光百貨 28338338
(e)西田百貨 26941111
(f)FrancFranc 34273366
(g)吉之島 24128686
(h)SanrioGiftGate 21498632
(i)ViVi 21368178
(j)SugarTown 21341450
(k)宜家傢俬 31250888
小型腳踏青蛙款，一踩腳踏對眼就會不斷轉動，甚為精靈可愛，咁得意用作送禮都唔拘！
令人想起海洋公園的企鵝垃圾桶，又係擘大個口等你餵嘢食咁款，考眼界之選。
七十年代懷舊款，顏色同圖案都一流，雖然用料較易生銹，但平平哋用來襯吓家具都夠靚啦！