一向走英式貴族派的積架轎車，早前突破傳統推出全新X-Type車系，以開拓年輕人市場。早陣子各個大型國際性車展上，廠方又披露有X-Type新成員；一款五門掀背Estate新型號，充滿年輕人活力感外，重突顯出一派多用途RV車風範。
但教人想不到是本地代理商，原來早前引入S-Type的Facelifted新版同時，經已「秘密」運來這部全新X-type2.1Estate型號，並於日前擺放於告士打道陳列室作預展㖭！在零距離接觸下，發覺部車的確同以後積架車系好唔同，車廂鋪排講究多變。打頭陣的X-type2.1Estate賣價約港幣37萬，擁有同級車獨有的2.1公升V6引擎（馬力157匹），遲吓重有2.5公升同頂級3.0公升型號陸續抵港㖭！有興趣嘅朋友記得落Showroom睇睇喇！
陳列室地址：灣仔告士打道39號夏愨大廈地下
記者：陳偉林