水貨大亨袁仁祥以佢親身經歷，繼續發表佢對日本四一免簽證有乜睇法：「其實呢兩年原宿嘢都謝謝哋，好多嘢炒唔起，不過四一之後，撞啱日本經濟好番，好多舖頭都出現番人龍，尤其星期六、日，HEADPORTER一定要排隊至有得入；講起嚟港人亦有功勞，事關人龍裏面有一半都係講廣東話㗎！問你服未？而且四一之後，多咗班未去過原宿嘅新潮中年，佢哋好多幫個仔或親戚買件BathingApe做手信，我已經不止一次被啲『叔型』或『嬸型』物體捉住我問路，問我嗰間『馬騮頭』到底喺邊？呢件係真人真事嚟，以前我哋成日攞嚟講笑，𠵱家估唔到成真。其實對於去慣星馬泰嘅港人，第一次嚟到原宿呢啲扮嘢舖會好易有衝突，例如去到人哋啲舖頭度大聲講嘢、唔係試鞋都周圍坐、用人哋嘅廁所等等，都令日本人對我哋港人留下深刻嘅印象。我希望大家港人同胞Keep住提升人格水平，話晒我哋𠵱家免簽證，即係同美國睇齊，我哋要話畀全世界知，我哋香港人係掂嘅！」
主持人：大食Jack
八卦熱報：