劉德華與鄭秀文（Sammi）昨晚齊往觀塘，拍攝杜琪峰執導的新片《賊公賊婆》，寰亞老闆林建岳親往探班，對於有消息指林建岳將與黎明合組公司，並增設寰亞唱片部待華仔了結與加際唱片的官司後即為他出碟一事，華仔昨晚笑說：「林生成日都話簽我，但我一話畀佢聽有官司喺身，佢就勒住勒住啦。」
問華仔是否怕與黎明一山不能藏二虎？華仔即意有所指地說：「藏得藏得，幾多隻虎都得，吃得苦中苦吖嘛，不過我唔知林生會唔會變咗第二啲人，佢一定要話畀我知呢一世都唔告我先啦，佢變咗壞人咁點算呀？」此時路經華仔身旁的林建岳即笑說：「係啦係啦！」問林建岳有否信心同時羅致兩大天王的唱片約？他說：「簽到就簽，大家都有好多合作機會嘅。」
此外，Sammi指《賊》片稍後會到意大利取景，她希望屆時能順道休息。提到她在約旦獲外籍男士公開表示好感，Sammi即笑說：「我哋係藝人同工作人員嘅關係，呢次係超級美麗嘅大誤會。」
採訪：王連連
攝影：陳偉權