超薄式數碼相機已成潮流大熱，睇見SONY部T1賣到斷晒市，嚟緊部T11亦令唔少用家虎視眈眈，如此肥豬肉又點會坐視不理。日前Olympus亦終於出手，發表旗下全新超薄機種AZ-1，22mm厚度只稍稍多於T11的17.3mm，不過同樣有大大個2.5吋顯示器。而AZ-1的320萬像素CCD加埋3倍數碼變焦，最高可拍攝2,048×1,536像素照片。兼且亦支援短片拍攝功能，不過解像度就稍低，只有320×240像素。
記憶卡就理所當然採用近期Olympus至愛的xD卡，最高支援512MB。AZ-1預計5月就會於日本開賣，暫時未知香港代理會否引入，而日本開價約5萬日圓（約港幣$3,500）。
記者：劉耀祥