梁漢文、余文樂、Sky、鄭融和董敏莉昨日出席在灣仔修頓球場舉行的「火舞驕陽」活動，梁漢文和Sky更率領過千名少年代表一起跳舞，梁漢文跳舞時不時儍笑，動作趣怪。
事後梁漢文向記者表示，希望可以多些參與鼓勵年輕人自強不息的活動，問梁漢文可有鼓勵好友蘇永康，他說：「我之前同佢傾過偈，佢處於唔係咁順嘅時間，但亦好積極咁搵緊方向，遲啲佢拍鄧特希套新劇。當年我唔順嘅時候佢亦都安慰過我，總之大家在心中啦。」蘇永康曾表示離婚後有抑鬱，對此梁漢文說：「我唔知佢係咪咁嚴重，總之作為朋友嘅，多啲同佢飲嘢食飯鼓勵吓囉。」
余文樂昨日戴了厚帽出席，他解釋剛由上海返港未有時間換衫，至於其緋聞女友鍾欣桐（阿嬌）前日困𨋢一事，余文樂表示不知情，並說：「好多工作人員同佢一齊，應該冇乜事，再唔係下次行樓梯囉。」最近內地出現假奶粉，余文樂稱曾買過假牙膏，並笑說：「連假余文樂都有！」原來有內地的disco曾以余文樂到場呃fans作宣傳。
採訪、攝影：王連連