曾幾何時，第一代平治SLK車系未正式踏足香港前，經已掀起過一陣搶購潮；當年唔少準買家，為要成為首批SLK嘅擁有者，更不惜暗盤以高價搶購Quota，成為當年本地車壇一樁佳話。想不到事隔8年，第2代全新平治SLK車系神話再現，再次牽動香港車迷心弦；Mercedes-BenzChinaLtd.跟本港代理商仁孚行，為滿足一班準買家嘅心願，於日前（星期五）晚假座數碼港OceanviewCourt，舉行別開生面嘅SLKPre-launchingParty。廣邀城中名人及愛車人士觀賞全新SLK車系嘅同時，更可以在悠閒氣氛下享用佳釀同美點，還有充滿驚喜嘅歌舞表演呢！
然而，據在場嘅仁孚行營運總裁MichaelLee所言，至今SLK收訂情況理想，數量每日均有變化，至今共收過170部定單；聽聞當中嘅SLK200Kompressor型號，可望8、9月期間陸續交車，至於較高級嘅SLK350則會於11月左右到港。由於新款SLK造型時尚吸引，又兼備Roadster開篷跑車嘅駕駛樂趣，加上入門版SLK200Kompressor定價不過$428,000，而SLK350及SLK55AMG售價亦只係$560,000同$868,000關係，相信未來SLK車系會有破紀錄嘅銷量。