行船爭解纜，月餅鬥賣先。距離中秋節重有五個多月，但美心率先趁五一黃金周，喺下個月一號推出月餅應市，因為想內地客可以早啲買到月餅，等佢哋或者佢哋內地嘅親友，先試吓香港月餅嘅滋味，到咗中秋節，佢哋就會「食過翻尋味」再嚟買月餅。五月推出嘅產品係雙黃蓮蓉月同埋雙黃白蓮蓉月，每盒唔使一百蚊，重會有全新包裝。奇華發言人就話，佢哋其實幾時都有月餅賣，喺部份賣「奇禮」系列貨品嘅分店可以搵到。
其實月餅喺內地都有得賣，不過唔少內地人都鍾意食香港嘅月餅，八方諗應該係因為內地不時都傳出食品質素有問題嘅新聞，好似呢幾日嘅劣質奶粉，或者之前嘅發霉蓮蓉月咁。除咗食品質素有保證，香港人都係食腦嘅，提早幾個月推出月餅嚟搶客都諗到。
傳真︰2623-9278
電郵︰