一直穩企本地MPV市場前列位置，兼有高銷量紀錄嘅本田Odyssey車系，早前廠方經已推出第3代新型號，但到港日期一直未見公布，只聞樓梯響卻未見車到來；惟最近筆者打探得知，原來全新第3代本田Odyssey，早前經已秘密抵港，代理除部署會喺5月中正式登場外，今日（4月25日）重特地響尖沙嘴馬可孛羅香港酒店，搞咗個全新OdysseyPre-launchingParty，重廣邀不少VIP貴客到臨參觀㗎！
據知，率先在港推出嘅第3代Odyssey車系，打頭陣會係用上一台跟Accord相若嘅2.4公升直4VTEC引擎（馬力160匹），兼備有5前速S-matic半自動波箱、仍維持三排七座位組合，但在於至In全新嘅造型及車廂配套下，預期較同級對手更具潛質及吸引力，有興趣嘅車迷真係要耐心一點多等一會喇！