今個星期又係奧斯卡猛片周，榮獲本屆奧斯卡10項提名，並取得最佳攝影及音響效果剪接嘅《軍天勇將：戰海豪情》，本周推出了3區DVD；史詩式古海戰場面，「炸」爆機嘅完美影音效果，加上名小說改編而成嘅劇本，簡直無可挑剔；$145抵玩價，絕對係本周非買不可嘅DVD。
記者：朱崇德
電影故事改編自英國名小說家O'Brian暢銷航海小說《MasterandCommander》（1969）；小說共分20章，《軍》則主要來自第10章《TheFarSideOfTheWorld》，再加少許其他章節的內容改編而成；正如《魔戒》一樣，未搬上銀幕前好多香港電影迷，由於文化上嘅認知差異，而不知他是50多年前的文學巨著；其實《MasterandCommander》亦曾被《紐約時報》的DavidMamet稱之為30年來最偉大的英語小說作者之一。
故事發生在1806年的拿破崙年代，英國名海軍船長幸運．傑克，受命駕駛特擊號前往南美，追擊對立國——法國的地獄號戰艦。在首次濃霧中的遭遇戰，發現對方在航速及火力上，都大大超越自己的古舊戰船，獵人及獵物的角色，簡直完全對調。加上地獄號上有如惡魔般的船長，令英國特擊號三番四次陷入苦戰中，加上對戰時遇上風暴、落入極圈無風帶、嚴重損兵折將，船員顯現軍心不穩。名將傑克在種種不利的作戰條件下，就憑軍人高尚的堅毅不屈精神，繼續這場看似毫無勝算的戰爭！
電影另一引人入勝處，是全程製作超認真，基本人物服飾、道具、場景以至海戰場面，都是參照世界各地航海博物館的資料史實來模擬拍攝。當中主角戰船特擊號，就參照了美國戰船Rose作為仿製藍本，並花了超過4個月時間，製作出一艘高25呎60噸重的真戰船。電影中最經典的海戰場面，首數風暴中的追逐戰，講真，真實感遠比幾年前的《驚濤駭浪》更Perfect，須知是以真船、電腦動畫模擬，再加10多呎的真實模型三路拍攝，單是以8,000加侖海水湧向真船甲板，就已經是前無古人之舉，就算真正遇到風暴都係咁上下！
除咗超靚畫面，無敵聲效都係令觀者睇得投入原因之一，好多人都讚戲中槍炮響到嘭嘭聲，炸機一流！其實大家咁樣講真係有啲睇低佢，須知戲中的炮聲，是以真實大炮作7路收音作電腦合成而製成，家中有靚影音系統者，真係愛死呢套戲！
其實《軍》吸引人之處，除咗海戰場面外，就是劇中就算小角色，都描繪得好有性格，Bonus的刪剪片段，就有大量海員生活逸事，例如互相替大家紋身、打交等，不過最過癮，係4個少年小軍官，竟然學人打中國麻雀，戲院都冇得睇㗎！
電話：23326326
地址：旺角奶路臣街6E德發商場地庫B4舖
