政府紀律部隊人員總工會噚晚舉行第四屆執行委員會就職典禮，兼為「螢光助學計劃」籌款，各個紀律部隊嘅部門首長當然係必然座上客，連賭王何鴻燊都畀面出席，身為呢個會名譽會長嘅賭王即場以八萬蚊買咗一幅由囚犯做嘅「百壽圖」，為「螢光助學計劃」籌款。
連任紀總主席嘅趙仕偉致辭時要求主禮嘉賓保安局局長李少光，喺紀律部隊文職化問題上手下留情，唔好令到啲夥計人心惶惶同感到侮辱，李局長即刻解畫，話文職化並無矮化紀律部隊，只係想更有效運用資源，佢希望管職雙方能以同舟共濟精神提高效率同維持服務水平。
（圖）賭王（左）用八萬蚊買咗呢幅由囚犯做嘅「百壽圖」，旁為紀總執委黃偉雄。
傳真︰2623-9278
電郵︰