香港新移民受盡社會歧視及政府削資之苦，天水圍三屍命案可見冰山一角，美國嘅新移民就幸運得多，至少有個「移民精神獎」頒畀有成就嘅移民。
「自由女神暨艾利斯島基金會」日前喺紐約艾利斯島頒發首屆移民精神獎，得主係華裔名建築師貝聿銘，佢最出名嘅作品，包括法國巴黎羅浮宮玻璃金字塔以及香港嘅中國銀行大樓等。貝聿銘帶埋個小孫女去攞獎，佢致辭時多謝美國畀佢教育同機會，話自己十七歲去到美國求學，喺麻省理工同哈佛學習建築嘅過程，又提到佢遇到太太嘅經過。
基金會同時頒發藝術、醫學與科學、體育、商業等四個範疇嘅「艾利斯島家族傳承獎」，得獎者包括意大利裔導演馬田史高西斯同前財長魯賓等，佢哋嘅祖先都由艾利斯島進入美國。
講開艾利斯島原來有段古，呢個島早期係所有外國移民來美嘅首站，曾有千七萬移民經過此地，貝聿銘嘅祖先就例外。
（圖）貝聿銘喺美國艾利斯島獲頒「移民精神獎」。資料圖片
傳真︰2623-9278
電郵︰