富家女ParisHilton早排俾舊男友RickSalomon將佢哋三年前拍嚟自娛嘅春宮帶放上網兜售,可能Rick見上次賺到笑啦,佢日前又宣布將另一餅佢同Paris嘅四級打真軍影帶印製成DVD同錄影帶,安排喺六月中發行,阿Rick前日重將部份片段發放畀各大通訊社,高調到不得了。
今次Rick發行嘅春宮帶叫《OneNightinParis》,片長四十五分鐘,呢餅帶同上次一樣,由Rick親自揸機拍低佢兩個嘅床事,不過今次唔係夜視版,而係彩色版本,清楚好多!
喺Rick日前發放畀通訊社嘅相片裏面,可以見到Paris着住內衣喺廁所搔首弄姿,而着住浴袍嘅Rick就親自揸機,據講餅帶重會輯錄一啲Paris蒲club嘅狂野行為㖭!不過喺發相入面就見唔到任何肉搏場面,賣晒關子咁!另外,傳聞Paris重會參加澳洲版《BigBrother》,即係困晒成班人喺滿布攝錄機嘅大屋入面嘅真人騷,佢加入戰團肯定令節目更富娛樂性!