陳豪將擔任盈科保險的代言人，據悉盈科保險原本想找馬浚偉，不過其後馬浚偉得悉另一代言人高爾夫球手張連偉酬勞達數百萬，即時坐地起價，結果盈科保險找陳豪頂上，而盈科保險顧問胡雪姬亦大讚陳豪有職業道德。
無綫小生陳豪和馬浚偉，由電視劇至廣告都爭崩頭，盈科保險最近邀請陳豪擔任代言人，據悉他們原先想找馬浚偉，但因馬浚偉突然獅子開大口，才決定改由陳豪頂上。
據悉馬浚偉原本開價十多萬出任盈科保險代言人一年，其後他知道中國高爾夫球手張連偉本月亦成為該公司代言人，年薪高達數百萬，於是加價至七位數字，此舉惹來盈科保險不滿，加上公司認為陳豪形象較是非多多的馬浚偉更正面，故此即時轉軚。
陳豪上周五生日當日，到盈科保險簽約成為代言人，出任「至友心大使」，為期一年。陳豪大受該公司員工歡迎，他們一見陳豪即拍手掌兼唱生日歌替他慶祝。記者昨日致電陳豪，他說：「我生日嗰日係去咗盈科簽約，佢哋有唱生日歌同我慶祝，但你講之前嗰啲嘢，我唔知發生乜嘢事，人哋搵我我咪做咯，總之做好自己嘅工作，傳聞嘅嘢，takeiteasy啦！」
李澤楷前得力助手胡雪姬現任盈科保險顧問，她昨日接受本報電話訪問，就馬浚偉加價一事說：「唔可以咁講嘅，其實除咗馬仔之外，都同TVB傾過好幾個藝人，TVB好幫手，真係好多謝佢哋。公司做過內部意見調查，啲同事好鍾意陳豪，我哋係上巿公司，要同股東交代，佢又符合公司嘅形象。十六號公司大抽獎，佢生日都趕過嚟簽約同主持，一啲都冇明星架子，啲fans攞住蛋糕跟住佢尾好瘋狂，原本佢留半個鐘，結果留咗個半鐘，佢真係好有職業道德。」
盈科保險今年十周年紀念，除找來張連偉和陳豪任代言人外，亦會全力贊助許冠傑的復出演唱會。
此外，馬浚偉於清明節前夕乘坐保母車返內地工作時遇上交通意外，幸好無人受傷，馬浚偉表示當時在深汕公路遇上塞車，他往後望發現一部銀色車慢駛過來，但隨後另有一部紅色車高速駛向銀色車，最後馬浚偉的保母車車尾被撞凹，他說：「好彩架銀色車司機夠機警即時扭先撞凹車尾，都算有驚冇
