政府大力宣傳隧橋債券，噚晚喺沙田搞咗個債券投資者講座，搵埋擔任全球協調行嘅滙豐銀行，派出該行近期頻頻亮相嘅主管、兼資本市場公會主席黃碧娟小姐，親自落區為市民解答債券疑難。據聞下周會喺銅鑼灣主辦第二場講解會。
馬時亨同八方講，佢好想兩場講座都出席，但因為噚晚要去中大教書，所以同沙田市民緣慳一面，但佢話會盡力參加第二場晚會喎。
發債已經成為近期城中熱門話題，就連新書簽名會亦一齊湊熱鬧。由資本市場公會會員喺《信報》連載、輯錄出版嘅《投資債券縱橫談》，噚日喺星光行商務舉行新書發布會，負責寫序言嘅係金管局總裁任志剛。另一位財資界人士陳鳳翔，噚日亦喺中環三聯舉行新書簽名會，大作自然又係債券。
傳真︰2623-9278
電郵︰