各黨派為準備九月搶佔立法會議席，全方位出擊為市民做選民登記，45條關注組網上電台噚晚接聽咗個令人嘖嘖稱奇嘅個案。
聽眾香港人黃先生住喺深圳，噚晚喺屋企食飯之際，突然有三位仁兄拍門邀請佢做選民登記，香港都未有直選，唔通大陸已經有直選？
原來三位訪客攞住嘅係香港選民登記表，咁點解香港選民登記會走到上深圳搵人填表？黃生為人小心，加上的確已經登記咗做選民，就打發咗嗰三位仁兄走，關門之際見到佢哋再拍隔籬屋嗰戶香港人門。
黃生事後向看更查問，看更話嗰三位仁兄係「居委會」嘅人，即係共產黨基層組織派嚟嘅，重聲稱係「受香港委託」而來。
主持節目嘅幾位大狀嘖嘖稱奇，嘉賓程介南則淡淡定咁話，「只要合乎遊戲規則，就冇問題啦。」
傳真︰2623-9278
電郵︰