佳士得拍賣行昨日於金鐘舉行首飾預展，名模歐陽妙芝示範價值連城的珍品。由九六年開始與佳士得合作的妙芝笑言合作滿十年時，盼能免費挑選一件珍品作為長期服務金。
佳士得拍賣行的春季拍賣會將於後日至下周二（二十五至二十七日）舉行，昨日先於金鐘萬豪酒店舉行亞洲藝術珍品及瑰麗珠寶翡翠首飾預展，名模歐陽妙芝示範翡翠鑽石首飾及手持清朝時代的珍品。
由九六年開始擔任佳士得示範模特兒的歐陽妙芝笑言，快將與對方合作十年，屆時要挑選一件珍品作長期服務金，她說：「我初初佩戴啲咁貴重嘅飾物，壓力真係好大，𠵱家就輕鬆好多啦。我重記得九七年佩戴過一條頸鏈，結果七千二百萬成交，入咗健力士世界紀錄大全㖭。」
早前發福不少的妙芝，昨日所見清減不少，她說：「因為我早前去咗瑞士演出表展，日日朝早五點morningcall唔夠瞓，但係都唔係瘦咗好多咋！」
妙芝續說：「喺瑞士做show時有場show要由男模用轎抬起一個女模，我唔係最輕嗰個，所以都冇我份。」定於年尾出閣的妙芝表示現在工作忙碌，要到六、七月才會正式籌備婚禮。
此外，昨日有不少名人如何柱國、謝玲玲及阮偉文前往欣賞佳士得珍品，謝玲玲說：「我專登嚟睇翡翠。」
採訪：JessicaNgan 攝影：ChanKwingWai
