唔知點解，近來各大廠商都突然發覺睇電視原來都幾重要，玩完內置影相鏡頭、幾多萬色芒之後，睇電視手機亦都如雨後春笋，不過今次唔單止手機可以睇電視，手表一樣得！由日本NHJ推出嘅手表式電視機VTV-101，配備一個1.5吋嘅TFT彩芒，最重要就係內置UHF及VHF調諧器，即係話香港都有機會用得着。雖然細就夠細，不過電池亦一樣細過人，表內電池只夠你睇套黃金時間劇集，即係一個鐘頭左右，之但係跟機就會有個用3A電嘅外掛式電池盒，咁就可以睇3個鐘，但係「陀」住件嘢又幾麻煩。VTV-101五月就會喺日本出街，價錢為185美元（約港幣$1,425），到時又係時候留意各大水貨舖。
記者：劉耀祥
網址：