甄妮昨日到商台接受訪問時透露，寰宇曾發行她於○一年所舉行的演唱會DVD，但至今她仍未收到有關費用，她表示：「寰宇最初只係畀過三百幾萬買我條片，同埋我自己最初畀咗二十幾萬版權費，之後佢哋做剪接嗰四萬幾蚊都係我畀。我已經追咗幾年，如果今次佢都係唔理，我就會唱佢，重會祝佢生意興隆同發達。」
事後記者致電林小明夫婦查問有關事宜，二人指從來沒有收過甄妮電話。
林太於了解事情後表示，他們早已支付了版權稅，她說：「當時係有個自稱係受甄妮委託嘅人要求寰宇交出銷售數據，但手續上甄妮嘅金音符公司要交出已支付版稅嘅證明文件先可以攞數據表，咁佢又交唔出有關文件，又冇親自上嚟處理。」其後，寰宇方面聲稱可以出示過數給甄妮的證明文件。
採訪、攝影：李珮洳