大市連跌咁多日，噚日終於見到有個別股份反彈。經紀黃話，其實有好多優質股可以趁低收集，好似半導體裝嵌設備生產商ASM太平洋（522）就可以留意。
半導體市場在去年第4季復甦，ASM生意急增帶動盈利上升，而定單上升情況一路延續至今年首季，所以陸續有外資大行出報告推介ASM。
不過，近期市況實在唔就，所以ASM股價走勢亦受影響。但經紀黃就覺得，如果公司係掂嘅話，最終都會反映在股價上，況且大部份報告嘅目標價，在45元樓上，比起現價重有好大上升空間，可以趁低價收集。
另外，運盛中國（085）舊年年底因注入手機廠業務，一度令股價急升。噚日公布全年業績則令人失望，股東應佔虧損有成8575.6萬元。
但經紀陳話呢個係運盛完成轉型之前嘅業績，基本上冇乜指導性，最重要係睇未來手機生產業務嘅表現，但據講呢單交易未有咁快搞掂，暫時睇住先。
慕容小初