鍾鎮濤（阿B）日前到美國登台，順道探望日夜想念的兒子、母親及弟弟，其母又能親見懷孕的范姜，B仔B女亦坐到夢想中的高級長轎車，阿B此行可謂是夢想之旅。
鍾鎮濤為了到美國探望正在留學的B仔鍾嘉浚，日前特地帶着懷有身孕的女友范姜素貞及B女鍾嘉湄，參與成龍的美國慈善登台之旅。阿B只演出拉斯維加斯一站，他到達前先請身在美國的胞弟接B仔到洛杉磯，然後再會合B媽共敍天倫。
阿B帶着家人起程到拉斯維加斯演出，他們到達時獲大會安排高級長轎車接載到酒店，阿B說：「我對仔女睇過啲電影見到呢啲長轎車，成日都話想坐吓，終於有機會坐到，個女開心到喺架車度四圍望又係咁笑。但拉斯維加斯咁細，坐唔夠十分鐘就到酒店，佢就猛話：『乜咁快㗎』，然後日日都問有冇得坐，好鬼嘈好好笑。」
阿B表示此行最開心的是可以做慈善演出幫人外，又可以免費一家人敍天倫。阿B聖誕後已見過兒子，今次發覺兒子長大了不少，阿B說：「我見到個仔變大同慢慢成熟，做老竇梗係開心，但佢一個人孤伶伶喺第二度，又覺得好似好淒涼咁，有啲心痛。」
阿B謂B媽看見大肚范姜一直笑不攏嘴，不停叮囑初任母親的范姜一些懷孕的禁忌，一家人又在洛杉磯到處遊玩及逛街。范姜路經幾間嬰兒用品店，看到可愛的嬰兒服飾，即為未來小B女添置一些用品及服飾。
