恒生元老何添同利國偉，雖然年事已高，但係仍為恒生效力擔任董事。不過，噚日股東會後，佢哋一齊退休。添伯係恒生開行元老，一九三三年已為恒生服務，做董事都有五十二年。恒生副董事長鄭海泉同八方講，知道兩位老人家想退，真係好唔捨得，但要尊重兩老決定。董事長艾爾敦就以「謙厚務實、博學多才」去形容利sir，又話利sir倡議編製嘅恒生指數，今日地位同紐約杜瓊斯指數同東京日經指數鼎足而立。
其實，恒生除有班元老長期支持外，重有一群長情fan屎，好似噚日股東會後，有位小股東上前同鄭海泉講股票前景，原來佢剛自加拿大回港，就嚟開股東會，難怪鄭海泉見到佢哋，都特別開心。
（圖）小股東好有心，留喺度同鄭大班（左）傾偈。
傳真︰2623-9278
電郵︰