市建局日前爆出成立以嚟首單涉嫌貪污案件，為即將退休嘅主席劉華森留下一點遺憾。
據了解政府最快今日會宣布市建局新主席人選，早前局內盛傳會由親中紅人譚惠珠接任，但因譚患上乳癌，相信老董都唔想佢太辛苦，惟有另覓人選。
最新目標係前房協主席鍾瑞明，其實鍾瑞明回歸後被欽點加入行會，但實行問責制後冇得留低，早前又突然唔做房協主席，既然咁得閒，老董搵佢入市建局都唔奇。
劉華森退休已成定局，下星期一主持埋最後一次董事會後就byebye，據聞其他董事均獲續任，四名立法會議員則續任一年，相信要等佢哋九月選舉後先決定重有無得留低。
傳真︰2623-9278
電郵︰