趙世曾的前妻TerriHolladay昨日以Princess電器香港推廣大使身份，往銅鑼灣JIABoutique酒店出席亮燈儀式。
Terri表示剛與未婚夫Paolo自越南返港，問她小產後心情平復了沒有？她說：「重有啲sad㗎，嗰排身體重好虛弱，醫生話我失咗好多血，𠵱家慢慢調理。醫生話如果我再懷孕都OK嘅，不過小產呢樣嘢可以話係家族遺傳，我媽咪小產過兩次，我家姐重唔可以生育嘅㖭，所以我真係當Roman係心肝嚟。」
昨日見Terri手上戴着戒指，她說：「係訂婚戒指嚟，我計劃明年春天同男友Paolo結婚，到時會喺意大利舉行婚禮。」至於她早前與雲何婉薇的爭拗，她說：「我淨係想講佢講嘅嘢唔係真嘅，我亦決定咗以後唔再同佢公司合作。」