徐子淇日前抽空返港為纖體公司做宣傳，工作完畢後即赴英國準備畢業試，徐媽媽亦陪伴在側，煲愛心靚湯給愛女補身。
徐子淇早前趁着復活節假期，特別返港為纖體公司拍攝特輯，她日前已乘坐夜機返回英國，準備即將舉行的畢業試。
子淇十分緊張畢業試，她日前說：「我因為返咗嚟香港，所以少咗時間溫書，都有啲擔心溫唔切，惟有等返到英國即刻閉關努力，好彩我平時都好勤力，因為臨急抱佛腳溫習都好難溫得好。」
子淇表示這次母親亦會陪她到英國，所以在應付考試期間，將會有母親的愛心靚湯和美食支持，她有信心畢業試的成績一定沒有問題，但考試過後必定會增磅。
子淇雖然只在香港逗留了幾天，但赴英國前買了很多美食留作溫習考試的儲糧，她說：「我買咗幾盒老婆餅，因為我好鍾意食甜嘢，但係喺英國就冇辦法買到呢啲中國特色美食，而且妹妹呢次冇得返香港，我返去一定要帶啲好嘢孝敬佢。」
採訪：比華利 攝影：陳志嵐
服裝：PacinoWan
