當年ZIPDrive賣到街知巷聞嘅Iomega，近日再有新搞作，研製出比傳統磁帶快八倍嘅儲存裝置REV，呢個REV新制式除咗存取速度夠快外，最重要係容量大幅提升，一隻REV碟達35GB容量，若配合其《IomegaAutomaticBackupPro》軟件壓縮功能，更達到90GB容量之譜！官方號稱REV可複寫達100萬次，又有硬碟機嘅速度（每秒25MB）及流動性（10×77×75mm），規格上的確幾有革命性。
咪以為咁大容量只係有商業用途，只啱中小企用，其實家陣數碼檔案咁流行，唔好話個個都有大量高解像數碼相、MP3歌曲，尤其係玩埋DV嘅用家，一段片十幾二十GB真係閒閒哋，令到好多家庭用家經常出現硬碟爆滿之患，若嫌4.7GB嘅DVD燒錄都未夠，不妨考慮Iomega呢套新嘅REV系統。
記者：徐影龍