做藝人點先至襟撈？答案係正氣、多才多藝同唔囂張，新鮮人辦有一個──古巨基。電盈噚日宣布，搵咗有「科技小神童」之稱嘅基仔及佢創作嘅漫畫公仔Kubi，做集團固網短訊服務代言人同埋廣告主角。8號仔中人話最主要係睇中基仔同Kubi兩仔爺形象健康，入得屋企，有「家庭感覺之餘又有青春活力」云云，但八方相信個漫畫公仔都唔係咁重要，最緊要係基仔形象健康，講嘢又唔會話好膚淺同無厘頭，噚日見佢對住啲娛記行家同埋喺樓下等嘅Fans亦都好有禮貌，真係抵佢有得撈。不過千祈唔好讚壞啊，因為好多代言人都係因為自己唔生性而俾人換㗎咋！
傳真︰2623-9278
電郵︰