地鐵眨下眼就通車廿五年，為咗慶祝，今日起會安排一架車身畫滿插畫嘅紀念列車喺荃灣線載客，地鐵噚日重特登搵咗幾位見證地鐵歷史嘅人出嚟，回顧一下，其中一位係廿五年前地鐵第一位乘客張兆文，佢話當年得九歲，只記得當日晨早俾老竇拖住由沙田屋企出嚟搭地鐵，𠵱家佢已成為廣告人，創作唔少地鐵廣告，真係世事難料。
而喺地鐵服務咗廿五年嘅站務員盧鳳群就重神奇，十幾年前有一日，一對由海外回港的年老夫婦唔識搭地鐵，佢好熱心咁幫佢哋，點知對夫婦第二日返嚟搵佢，讚佢係最理想嘅新抱人選，要佢同個仔相睇，但係佢最後都無答應，如果唔係就真係一齣地鐵奇遇結良緣。
傳真︰2623-9278
電郵︰