恒指再跌，呢鋪係第6日，由6日前計，恒指總共冇咗804點。港股短期超賣，隨時有反彈之機。壞嘅睇法，係可能下試萬二關。
是日跌市中，33隻恒指成份股只有思捷（330）、聯通（762）同中電（002）有得升，另外裕元（551）同恒生（011）冇升跌。博大市反彈，最好揀啲正股超賣嘅Call輪埋手。
地產股中，新世界（017）昨日散45仙，收6.40元，細細注買些少新世界Call輪9297，輪價60仙，散34%。新地（016）跌2.25元，收68.75元，Call輪揀9118同9511。9118收55仙，散25%，下月夠鐘，溢價0.9%，槓桿率12.5倍；9511收32.5仙，散24%，7月夠鐘，溢價9.5%，槓桿率21.2倍。長實（001）跌1.75元，收61.75元，Call輪揀9083同9643。9083收14.9仙，散30%，下月到期，溢價5.9%，槓桿率41.4倍；9643收29.5仙，散19%，8月到期，溢價11.7%，槓桿率20.9倍。恒地（012）跌1.10元，收35.80元，Call輪揀9215，隻輪收17.6仙，散32%，下月到期，溢價2.3%，槓桿率20.3倍。
除地產股Call輪外，一啲國企股Call輪亦可諗吓。中電信（728）再跌4.1%，收2.35元，博反彈買9899，7月到期，輪價55仙，溢價3.4%，槓桿率4.3倍。
章盛