為咗九月直選近期以溫情中立姿態出現嘅「立法會女神」范徐麗泰，噚日用「未有確切資料支持」人大常委會喺星期日開會傾政改報告做理由，唔畀民主派提緊急辯論，難怪連一向溫文嘅李媽田，睇到范太咁講，嬲到同人講「真係唔講粗口都唔得」（最後擺平，有得辯）。
有議員即刻諗點樣幫范太搵證明，有民主派四出打探曾憲梓地址，諗住親自挾持曾人大常委送交立法會親自向范太證明，不過曾常委可能喺深圳未返，有人又話挾曾常委個新抱黎瑞恩證明都係一樣，喺大陸，人大常委個新抱嘅政治地位，隨時都高過立法會主席，睇怕范太唔信民主派、唔信新聞，都一定信人大常委個新抱啩。
傳真︰2623-9278
電郵︰