馬會為慶祝場外投注處開業三十周年，噚日喺尖沙嘴海防投注處搞咗個派對，馬會主席夏佳理特別鑄造咗一批仿七四年彩票設計嘅金彩票，畀班服務咗馬會三十年嘅開國功臣，其中一個「得獎者」就係投注事務執行總監陳承楷，而楷叔噚日重特別到旺角快富投注處回復三十年前入職時嘅投注處經理身份，親自招呼首位顧客黃太。
唔講唔知，原來呢位黃太係馬會三十年嘅熟客仔，十幾年前重中過六合彩二獎㖭。噚日兩人難得聚首一堂，自然雞啄唔斷話當年。
（圖）陳承楷噚日重返旺角快富投注處充當職員，為馬會熟客仔黃太「打飛」。馬會提供圖片
傳真︰2623-9278
電郵︰