喺中大畢業，之後去咗港大做校長嘅徐立之（圖），真係香港之光，八方噚日收到消息，話徐校長成為首個獲選做法國國家科學院院士嘅香港人。呢個殊榮非同小可，一百個大紫荊加埋都冇得比，喺海峽兩岸有同樣榮譽嘅學者，包括楊振寧、丘成桐嘅老師中國著名數學家陳省身、台灣中央研究院院長李遠哲等殿堂級人物。
港大有個咁威嘅校長，連城中名嘴鄭大班都慕名而嚟。大班嘅貿易公司早前被淋油恐嚇，搞到佢話要考慮封咪引退，噚日大班喺佢主持嘅電台節目自爆話九月會去港大讀書。係咪就此封咪？大班話佢其實係準備報讀港大傳理系碩士同博士課程，成事嘅話就會全職讀書、兼職做吓電台節目，佢聲稱對淋油事件唔多唔少重有啲心理陰影（唔係哇，俾人斬都未驚過，淋吓油就嚇成咁？），但強調重返校園，完全同嗰件事無關喎。
傳真︰2623-9278
電郵︰