近年本港掀起一股纖體熱潮，令不少女士趨之若鶩，但具規模的纖體公司，纖體療程收費動輒數萬元。該類公司的纖體顧問，常予人硬銷療程的印象。不過，加入菲力偉約10年的侯藝妍（Azerene），卻與顧客建立朋友關係，顧客不單指定要由她跟進療程，更送湯送禮物。
纖體顧問Azerene於94年加入菲力偉，由護膚學員做起，上司及顧客均對她讚不絕口，原因是她從不硬銷，推銷療程只會在不知不覺間進行，「來做treatment的客人都好注重儀表，閒談之間，顧客會談及自己對哪些部份不滿意，我就會向對方講做哪種運動、療程有效。」
聽來容易，其實Azerene可以與客人打開話匣子，本身亦做足功課，經常留意身邊事物。她說：「我本身好貪靚，有新護膚品推出，不論自己公司是否有得賣，我都會試，若有客問起，我就會講出自己的經驗。」
即使本身仍未有孩子，但與「媽咪級」顧客閒談，Azerene一樣有話題。「剛剛有BB出世的顧客，好鍾意同人分享，我就好用心聽，好似順產又點呀、開刀又點呀，還有坐月食啲乜……，聽了之後就記住，若遇到懷了孕的客人，就可以與她分享其他人的經驗。」
花費數萬元做纖體療程，只為換到完美身段，一旦事與願違，纖體顧問便成為埋怨對象。菲力偉助理市務經理盧幗嫺稱，顧客在購買療程前，纖體顧問會為顧客度身，分析肥胖原因、體質、脂肪含量等，才設定合適療程，若依足營養師指示及療程，逾九成顧客均可成功纖體。她說：「對於不依足指示的顧客，便要靠顧問的功力。」
面對不依足指示的顧客，Azerene的方法是：「若果熟客就直接同佢講『你咁唔得㗎』；不相熟的客就要先知道對方纖體的目的，好多都只是想着衫靚啲，那就要不斷鼓勵佢，同佢講『你再係咁，就着唔到靚衫』。」另外，Azerene會分享自己的瘦身經驗，「我高峯期（體重）比目前重8至10磅，該10磅好難減，那時經常給朋友說：『嘩！乜你咁肥。』我會向客講及這個經歷。」
從事服務行業，每天面對不同顧客，即使上司讚賞她EQ（情緒智商）高，Azerene亦試過被人「鬧到喊」。「那次有位客人做treatment時放下一件重要物件在枱，無同我講。我們訓練好嚴格，每次做完treatment，要立即清理枱面，我不為意就丟了」。結果令對方大發雷霆。「當時我曾想賠錢了事，但又想到若對方可能不接受，反說『有錢賠，大晒』這類說話，只會令事情更僵。」幸好最後由Azerene上司擺平。
