荷李活女星杜莉芭里摩亞（DrewBarrymore）前日去咗德國柏林，出席喺當地舉行嘅《每天愛你第一次》首映禮。杜莉打扮得高貴成熟，重以萬試萬靈嘅谷胸招數爭取曝光率，佢套開胸衫睇落似足一個黑色喱士胸圍，真係好鬼性感。杜莉行紅地氈嗰陣亦對旁邊嘅fans好好，不停幫佢哋簽名，即使男主角阿當桑迪拿（AdamSandler）冇出現，但氣氛仍然好好。