粵海事件當年震動中外。粵海投資噚日開記者會,向每位記者送一本書──《粵海變革》,作者就係廣東省粵海投資兼廣東控股董事長武捷思,不妨同大家分享一下。八方其實去年已介紹過武董出咗本《粵海重組實錄》,非常罕有。點知武董今年再接再厲,呢本係講述佢如何以三年時間,大刀闊斧將每年稅前虧損高達二十五億元嘅省政府企業,轉變為年賺七億元。
武董詳細教授面對巨額虧損企業嘅CEO應該做乜,當中法寶包括精簡架構。粵海投資原有多達二百三十多家子公司,要削減至只有二十三家;聘用員工則由一萬五千二百人減至三千五百人;引入賞罰制度,推動員工積極性;嚴格控制財務;業務發展要有核心方向,不可過於分散;建立監督制約機制,防止腐敗。MBA學生不可不讀呢。
(圖)噚日粵海記者會派武捷思嘅新書。
傳真︰2623-9278
電郵︰