買唔起成九千幾蚊呎嘅貝沙灣，但又想享受下「法國南部」風情，有乜辦法？答案係——去數碼港間艾美酒店（LeMERIDIEN）住番晚！呢間有173個房嘅五星級酒店噚日正式開幕，酒店中人同八方講，佢哋其實喺今個月十五號已經開門試業，第一個客係超級艾美fans，呢個鬼佬VIP成日周圍飛，去親邊度都住艾美嘅酒店，呢排佢飛咗嚟香港，已經入住另一間酒店，一知道艾美數碼港開咗就即刻轉返過嚟，喺「中國人民當家作主」嘅今日，估唔到一間新酒店，都俾鬼佬飲頭啖湯！
咁呢間艾美有幾正？房有42吋扒士麻電視、特強力花灑浴室同埋無線寬頻網絡服務等等，最平嗰間房盛惠1250蚊一晚，聽講五月頭兩個禮拜因為數碼港有展覽之類嘅活動，啲房已經俾人book晒！
傳真︰2623-9278
電郵︰