老董照抄煲呔份報告，上星期四派林D9做速遞員上京交功課，中央亦反應神速，一方面學特區召開特別行會一樣，召開特別人大常委會，民主派未坐定，中央又出新招，可見北京厲害，「以我為主」又一次顯示。
其實以談判嚟講，北京出名高手，有人甚至寫書做研究，中方最叻係先控制議程，傾乜由我話事；其次，同邊個傾，亦要佢批准；第三，要傾，嚟我地頭傾，等你冇地理；最後一招，你有你喺會上表達，佢哋隨時可以自己出嚟講吓意見，實行內外夾攻。今次對付一個小小香港，真係易如反掌。
傳真︰2623-9278
電郵︰