理工大學嘅「親生仔」─華特，日前喺瑞士日內瓦舉行嘅第三十二屆「國際發明及創新技術與產品展覽」中，為學校攞咗個金獎，真係光宗耀祖。
其實華特（Walter）唔係真人，而係一個全身用藍色布料包裹嘅假人公仔，由理大紡織及製衣學系副教授范金土同佢嘅博士生陳益松合力研製。特別之處係裝咗六十公升水，當溫度升高，水就會從布料滲出嚟，好似人類流汗。用佢嚟測試布料嘅禦寒功能同埋夠唔夠透氣，準確過真人，可以幫到紡織業界改善布料。
理大今次又憑「光學感應器」攞到另外一個金獎，而「三維人體影像掃描系統」、「網上基本能力測試」及「納米科技分解污染物系統」就攞到三個銀獎。
傳真︰2623-9278
電郵︰