林嘉欣和鄭中基前晚在灣仔拍攝電影《我要做Model》煞科戲，二人穿上銀色情侶裝坐在開篷車上拍攝，其間鄭中基對林嘉欣照顧有加，並攙扶伊人下車，十分細心，難怪早前二人傳出緋聞。
林嘉欣、鄭中基、李彩樺（Rain）、鍾鎮濤（阿Ｂ）和陳子聰等，前晚在灣仔拍攝電影《我要做Model》煞科戲。
林嘉欣和鄭中基穿上銀色情侶裝，坐在一部開篷車上拍攝，電影公司更安排了他們的fans來做臨記。
鄭中基率先下車，接着細心扶林嘉欣落車，難怪早前二人曾傳緋聞。鄭中基穿上的銀色裝束十分「姣」，拍攝後他趕快落妝，他說：「拍呢套戲好辛苦，要即刻落妝，隻眼好易發炎。」
鄭中基和林嘉欣的fans特別前來捧場，鄭中基說：「因為我哋見今晚煞科，所以咪叫啲fans一齊嚟玩。」問到可會給fans車馬費？鄭中基說：「呢啲係電影公司安排。」他又爆料指陳子聰中文不好，所以講對白時經常不小心講了粗口。
Rain則表示在《我》片中有很多不同造型，她說：「我黐好多假眼睫毛同着好多高踭鞋，形象亦多變化，好好玩。我重試過着比堅尼，不過都貼晒膠紙，但就冇墊pad，貼膠紙都貼到紅晒。」
此外，阿Ｂ的女友范姜未婚懷孕，日前還出席ＬＶ派對，對此阿B說：「去捧吓場啫，小心啲咪得，嗰晚我都有去，我都冇特別買嘢獎勵女友。」問到范姜可有洽談拍攝纖體廣告，她可擔心生完ＢＢ後身形會變？阿Ｂ說：「冇傾過，費事同人宣傳。我同女友都唔係講外表同物質，我哋講心嘅。」
採訪：胡比 攝影：陳偉權
