不說不知，今天就是每年一度的國際秘書節，各位有冇諗過點樣慰勞公司位「賢內助」呢？送束花請食飯未免俗氣一點，不如親自做個鍵盤或滑鼠墊，又或者電腦屏幕公仔，若然送齊呢套「電腦三寶」，必定逗得秘書心花怒放，分分鐘晚晚幫你開OT㖭！
記者：何善華 攝影：楊錦文、黃子偉 模特兒：Janet（Imagine）
秘書與電腦關係密切，而使用鍵盤的頻率更不計其數。雙手放在鍵盤由朝打到晚，手部又冇軟墊承托着，難怪放工返到屋企手腕及手指疼痛。有乜好方法減輕手腕所受的壓力？一於自製鍵盤墊，繡埋個Cutie的貓咪造型，再放入適量的香草和棉花，托住雙手減輕壓力舒服晒！
材料：
毛巾衫1件、麗斯繩1卷、絨面貼紙1包、棉花適量、薰衣草乾花適量
步驟
每天將大量Memo貼在屏幕四周，既不美觀又無系統！不如花心思設計一個以卡通人物做主題的屏幕裝飾品，好似這隻賤兔的手腳更可用作立體告示板，可將約會、開會、簽約等不同類別的Memo仔釘上去。日日有隻可愛公仔陪住開工，就算工作壓力有幾大都可一掃而空啦！
材料：
白色棉布1碼、粉紅色布少量、粗橡筋1卷、絨面貼紙1包、棉花適量、薰衣草乾花適量
步驟
使用滑鼠過久，同樣會令手腕疲憊不堪。一於幫滑鼠搵番個「伴」，DIY一個滑鼠墊襯番。而這個滑鼠墊，亦建議加入適量薰衣草，其清新香氣可紓緩日常緊張的工作壓力，秘書最啱用。
材料：
毛巾衫1件、麗斯繩1卷、絨面貼紙1包、棉花適量、薰衣草乾花適量
步驟
小秘技
可選購小包裝乾花或先將適量乾花用布包好才放入墊內，這樣可方便更換乾花，而不同香草植物各有不同的治療功效，首推香味淡雅的薰衣草，具紓緩壓力效果。另外，套在屏幕上的橡筋要因應屏幕尺寸來剪裁，15吋約需55cm長，17吋則要65cm。
