啱啱先發表N-GageQD，Nokia又有新機發放，今次唔再係瞄準打機用家，而係主打鍾意「講嘢」嘅用家。新作3120外形依然離唔開一貫Nokia格局，睇落重有兩分似其同廠6230，點解話3120啱晒鍾意「講嘢」嘅用家？皆因3120機內已內置有《QQ》聊天程式，玩法就好似《ICQ》咁，而且更可以下載更多表情圖案，傾偈之餘更可以畀埋個樣對方睇，喜怒哀樂一目了然。雖然冇內置鏡頭，不過3120亦可接駁同廠嘅Fum-Cam，一樣可以玩影相。而其他功能就有4,096色彩芒、和弦、MMS、JAVA及三頻等。3120只會於中國市場推出，相信香港都係「所屬範圍」之內，鍾意《QQ》嘅用家就忍多陣喇！
記者：劉耀祥
網址：