若然大家向來有留意車壇消息的話，都會知道Smart會繼fortwo及roadster等車系後，推出一款能搭載四名乘客嘅新車──forfour。新車曾在多個國際性車展上作預展而惹來車迷注視，所以廠方特別響新車推出前，進行多個大型宣傳活動。
記者：鄭達基
由日前開始，Smart廠方就率先響多個歐洲地區嘅主要報章及雜誌大賣廣告，當中包括多個以一部Smartforfour，襯托於四位美腿少女（其實只得一位）旁邊嘅廣告，又可藉以宣傳此車能搭載四名乘客嘅效果，至於電視廣告，廠方更搵來英國著名歌手RobbieWilliams幫手宣傳新車㖭！同一時間，多部Smartforfour正由運載汽車用嘅卡車運往SmartCentres，以準備響4月24日新車正式登場後，供車迷參觀試車咁話，睇嚟有咁多宣傳，廠方對forfour都真係幾重視噃！