「欣欣佢真係好難教，有時幾日唔沖涼，返到屋企又唔願做功課，老師話再唔做就留佢班，佢聽完之後直頭完全唔做，有時都令人幾激氣。」義務替亡妹照顧九歲孤女欣欣的阿雲歎道。
欣欣的三十二歲母親梁玉奇，月前疑因感情及經濟問題，在鴨脷洲大橋跳橋自殺。欣欣自幼父母離異，她與母親相依為命，母親突然捨她而去，父親又不知所終，她幸得姨媽阿雲收留，才不致被送入兒童院。
「欣欣𠵱家變得好情緒化，老師話佢試過無端端上緊堂嘅時候大嗌同喊，學校有社工跟緊佢嘅情況。」阿雲坦言十分擔心就讀小四欣欣的學業成績，惟她忙於工作，難以經常在旁督促。
四十歲的阿雲育有一名就讀中一兒子，丈夫任職替更的士司機，收入不穩，如今還要負擔甥女的生活，大感吃力。
蘋果日報慈善基金繼早前於「殮葬專戶」撥款一萬元予阿雲辦理亡妹身後事，近日另將善長捐款合共四萬一千七百八十一元轉交她簽收。阿雲接過善款支票，一臉感激地說：「欣欣每個月生活費要成二千蚊，呢筆錢會用嚟應付佢嘅生活所需。好多謝各位善長，祝大家善有善報，福有攸歸。」阿雲由衷地說。
捐款編號：C1242
暖流熱線
電話：29908688
傳真：23702192
電郵：
網址：