陳法蓉難明女人𡁻完唱
阿葛讚碧咸剃毛不留罪證

近日碧咸的婚外情醜聞接連曝光，前日又有丹麥女子勞里大爆他原來將恥毛剃光。適逢陳法蓉與葛民輝等昨日出席激光脫毛活動，話題自然講到碧咸，其中葛民輝笑稱沒有毛便沒證據，幽碧咸一默。

陳法蓉和周汶錡兩位Bella皮膚護理中心代言人，昨日出席中環交易廣場舉行的激光脫毛記者會，葛民輝與劉曉彤則任大會司儀。記者問到周汶錡對碧咸剃毛事件看法時，她一臉尷尬地說：「我冇理，出世嗰陣都冇毛㗎啦。」葛民輝則有另一番見解，他說：「我出世都冇毛㗎，後來污染咗之嘛。冇毛咪重好，冇證據吖嘛。不過，都係一邊有一邊冇好啲，難以捉摸啲。」

華人社會罕見
至於陳法蓉則慨歎說：「以前通常係男人𡁻完唱，𠵱家竟然係女人𡁻完唱，而且重係又𡁻又唱又有錢收。中國人好少聽聞呢啲事發生，但外國人就成日有，女人同已婚男人去搞已經好難想像，重爆人哋有冇毛，真係重難以想像。」問她可認為碧咸太太Victoria應該跟碧咸離婚，陳法蓉說：「我哋都係睇佢踢波踢得好唔好啫。」

做教練責任大
此外，前日一女子潛水時遇溺身亡，已取得潛水教練牌照的陳法蓉大感惋惜說：「我戥死者家屬難過，屋企人知道呢單新聞之後都擔心我危險，但一日行出街都可能有危險㗎啦。其實做教練壓力都好大好重。不過，由於學員要攞潛水牌嘅話，起碼要跟教練學三十個鐘，我咁忙，邊有時間教人，所以我一年前考到個潛水教練牌到𠵱家，一個學生都冇。」
另方面，穿上浴袍的陳法蓉，昨與坐在浴缸與赤裸上身的男模特兒為活動宣傳，而周汶錡則與吳嘉龍上演一幕床上戲，以配合大會「零距離的親密」這個主題。