梁思浩早前被無綫炒魷魚，前晚他倒戈為亞視的「第十屆十大電視廣告頒獎典禮」演出，在棟篤笑環節中揶揄無綫無情無義。而王晶亦暗寸無綫近日的新減騷制，他說：「幅度犀利過欣宜。」
王晶、梁思浩、陳煒、張文慈、湯寶如和麥家琪等，前晚在九龍灣出席「第十屆十大電視廣告頒獎典禮」，眾女星衣着性感，爭妍鬥麗一番。
剛被無綫炒魷魚的梁思浩，倒戈為亞視做節目，在棟篤笑環節中揶揄無綫。棟篤笑主題是娛樂圈要靠食腦生存，梁思浩問小演員：「如果你冇情情冇做錯，俾學校趕出校，呢啲叫做乜？呢啲叫無情無義。」主持即取笑梁思浩說：「咦！咁似你。」
梁思浩又說：「做人要留有餘地，都話咗叫你讀多啲書，如果唔係俾人話你係『吳三桂』都唔知點解？」事後問梁思浩剛才揶揄無綫的說話，是誰的主意？他說：「喺台上講嘅嘢，一半係跟稿讀，一半係自己度。」
而導演王晶亦暗寸無綫近日的新減騷制，他說：「我自己唔會瘦身，好似無綫咁日日瘦身，幅度犀利過欣宜。」
湯寶如則表示即將再戰樂壇，她說：「我計劃七月會出唱片，同環球傾緊合約，但會自己製作。」陳慧嫻早前因為銷量不佳而心灰意冷，湯寶如說：「唔好咁執着銷量問題，唱歌係我嘅興趣，諗到咁商業化會好唔開心。」
此外，陳煒前晚演唱時出現氣喘情況，問她為何不預先錄音，她說：「咁有現場樂隊嘛。」
採訪：卓寶花 攝影：陳慧安、何國豪
