海外車訊：1950年車款電單車引擎<br>CaterharnSuper7珠海鬥耐力

海外車訊：1950年車款電單車引擎
CaterharnSuper7珠海鬥耐力

珠海1000公里耐力賽及第三屆香港房車錦標賽剛於前日在珠海賽車場舉行完畢，其中耐力賽更有多架不同種類的車款參賽，除一場激鬥外，另一最吸引人之處，相信是可以同一時間欣賞到各部經過精心改良的戰車，無時間親身體驗？唔緊要，記者今次就揀選其中三部最煞食的參賽車及其車手同改裝功臣做訪問，等佢哋向各車迷慢慢講解！

記者：黃婉冰　攝影：陳智良

隊名：TheBanana&3Eggs
戰車：CaterharnSuper7
賽果：賽事途中因引擎問題退出。

纖維車身好輕身
隊外與戰車同樣是全場最出位的TheBanana&3Eggs，今次所用的CaterharnSuper7只得430kg重量，加上配合一副本田電單車引擎，令其速度更優勝，難怪車手之一的Frank對其滿有信心：「其實呢部車本身已經係比賽車，車殼用纖維製成，車款設計仿照1950年車款去做，好多英國本土賽嘅車手都係用佢出賽……我哋都只係籌備咗一個星期，就咁TuneUp番架車已經可以出賽，對上一次係賽澳門，全程排14，我希望今次比賽會入三名之內。」

車手Frank
雖然只得130匹馬力同900cc，但因為車身同個引擎都好輕，所以最高速可以去到135km/h。

■用上一副輕磅本田電單車引擎，車重比普通跑車輕得多。

■六前速直波箱同樣來自電單車，入波話咁易，向下輕輕一推已可轉檔。

■車手之一兼車主Gethyn，喜歡這部車的原因很簡單，兩個字：「Fun&Fast」。

隊名：TWAutosport
戰車：LotusElise
賽果：第二名

大油缸減馬力成關鍵
充滿跑格的LotusElise是全場另一焦點，今次幫這部車改裝的幕後功臣是Tony，他表示由搵零件到改裝，前後只不過用了兩星期，只因耐力賽一切要以簡單為主。
「耐力賽嘅車最緊要簡單，但油缸要盡量大，架車本身油缸只得30ml，所以我哋加多一個20ml油缸，另外馬力過大會嘥油，所以將引擎減到160匹，𠵱家平均一個圈只係消耗1.1L，頭尾車殼亦比原裝輕。至於目標，因為係第一次參加，只在吸取經驗，我只係希望各車手同架車可以平安完成個賽事，但如果成績好的話可能會參加馬來西亞耐力賽。」

改裝負責人TonyWoo
馬力過大會嘥油，所以將引擎由200匹改成160匹，咁樣就可以做到耗油量低而耐用性高。

■TWAutosport車隊將油缸增大，再減低引擎馬力，藉以提高戰車耐用性，結果LotusElise獲得賽事亞軍。

■其中一位車手Edgar正利用電腦進行TuneUp。

■在車頭加裝多一個油缸，容量增加就可減少入油次數。

■加裝的水溫、油溫表，車手可清楚得知引擎效能。

隊名：龍華車隊
戰車：ToyotaAE111
賽果：未能完成賽事

着重油溫加大Cooler
數勻全場只得兩部豐田AE111出賽，而且同屬一個車隊，其中一位車手方偉成（Tony）表示選擇豐田車全因其耐用性夠高。「我哋本身都係主要做豐田車改裝，佢耐用性比本田車高，我哋只係加大個偈油Cooler，幫助保持計油溫度唔會過高。」